बर्दिया । मोटरसाइकल र कार ठोक्किँदा शुक्रबार राति दुई युवाको ज्यान गएको छ।
मधुवन-४ स्थित हुलाकी सडक खण्डमा ओराली बजारबाट ढोढरीतर्फ आउदै गरेको इभी गाडी र विपरीत दिशाबाट आएको मोटरसाइकलसित ठक्किँदा दुर्घटना भएको हो ।
दुर्घटनामा ठाकुरबाबा-५ शाहीपुर बस्ने २१ बर्से सुशीलकुमार थारु र सोही पालिका मानपुर बस्ने २५ बर्से करण थारुको मृत्यु भएको हो।
टाउकोमा चोट लागेको दुवै घाइतेको बर्दिया अस्पताल गुलरियामा ल्याई मृत घोषणा गरेको शव बर्दिया अस्पतालमा राखिएको छ । गाडी र चालक नियन्त्रणमा लिएको प्रहरीले जनाएको छ ।