Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
शुक्रवार , माघ २, २०८२
चितवन । नेपाली कम्युनिष्ट पार्टीका संयोजक पुष्पकमल दाहाल 'प्रचण्ड'ले आम निर्वाचन घोषित मितिमै हुने स्पष्ट पार्दै चुनाव सर्ने आशंका नगर्न आग्रह गरेका छन् ।
शुक्रबार चितवनमा आयोजित पार्टी कार्यक्रमलाई सम्बोधन गर्दै संयोजक प्रचण्डले मुलुक जटिल र चुनौतीपूर्ण परिस्थितिमा रहे पनि त्यसको समाधान लोकतान्त्रिक प्रक्रियाबाट मात्रै सम्भव हुने बताएका हुन् । उनका अनुसार वर्तमान संकटको एकमात्र विकल्प निर्वाचन हो ।
उनले आफूले प्रत्यक्षतर्फको निर्वाचनका लागि टिकट वितरण प्रक्रिया सुरु गरिसकेको उल्लेख गर्दै निर्वाचन हुने–नहुने बहसमा अल्झिनुको सट्टा सबै दल र नागरिकलाई तयारीमा जुट्न आग्रह गरे।
'मैले त आफ्नो दलको तर्फबाट हिजोदेखि टिकट बाँड्न सुरु गरिसकेँ। हिजो काठमाडौंमा टिकट बाँडेर आएको हुँ,' प्रचण्डले भने, 'सरकारले आफ्नो काम गरिरहेको छ, राजनीतिक दलहरू अघि बढिरहेका छन् र जनता पनि चुनावी मानसिकतामा पुगिसकेको अवस्थामा चुनाव हुन्छ। चुनाव हुन्छ कि हुन्न भन्ने प्रश्न मनमा ल्याउनुभन्दा राम्रो तयारीका साथ अगाडि बढ्नुपर्छ।'
© 2026 All right reserved to onlinenepal.com
Design & Developed By
