एजेन्सी । अमेरिकाको मिनियापोलिसमा अध्यागमन तथा भन्सार प्रवर्तन अधिकारीले ३७ वर्षीया अमेरिकी नागरिक रेनी निकोल गुडलाई गोली हानी हत्या गरेका छन् ।
संघीय अधिकारीहरूले यो आत्मरक्षामा गोली चलाएको दाबी गरेका छन् । तर सहरका मेयर ज्याकब फ्रेले यसलाई 'झूट' भन्दै लापरबाही तथा अनावश्यकको संज्ञा दिएका छन् ।
घटना राष्ट्रपति डोनाल्ड ट्रम्प प्रशासनको ठुलो अध्यागमन कारबाहीको क्रममा भएको हो, जसमा मिनियापोलिस र सेन्ट पल क्षेत्रमा दुई हजारभन्दा बढी अधिकारी खटाइएका छन् ।
मृतक गुड कोलोराडोकी मूल बासिन्दा थिइन्, जो मिनियापोलिसमा बस्दै आएकी थिइन् ।