बुद्ध एयरको जहाज हुँदै चितवन पुगे रवि, गाडीबाट भैरहवा जाँदै

अनलाइन नेपाल

शुक्रवार , पौष ४, २०८२

भरतपुर । राष्ट्रिय स्वतन्त्र पार्टी (रास्वपा) का सभापति रवि लामिछाने चितवनको भरतपुर विमानस्थल पुगेका छन् ।

रुपन्देहीको भैरहवा विमानस्थलमा कुहिरो लागेपछि उनी काठमाडौंको त्रिभुवन विमानस्थलबाट बुद्ध एयरको जहाज हुँदै चितवन गएका हुन् ।

रास्वपाका केन्द्रीय सदस्य गणेश पराजुलीले भर्खरै जहाज चितवन ल्यान्ड भएको जानकारी दिएका छन् । उनका अनुसार केहिबेरमा यताबाट गाडी हुँदै भैरहवा जाने छन् ।

भैरहवामा हुस्सु लागेर भिजिबिलिटी कम भएपछि लामिछाने आज बिहान करिब ७ बजेदेखि दिउँसोसम्म काठमाडौंमै रोकिएका थिए ।

बिहीबार उच्च अदालत तुलसीपुरको बुटवल इजलासले लामिछानेलाई बिगो रकम बराबरको धरौटीमा छाड्ने आदेश दिएको थियो ।

रुपन्देही जिल्ला अदालतमा कागजी प्रक्रिया पुरा गरेपछि मात्रै रवि रिहाइ हुनेछन् ।

सोहि प्रक्रिया पूरा गर्न नक्खु कारागारबाट निस्किएर उनी अदालत उपस्थित हुन भैरहवा जान लागेका हुन् ।

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

६ दिनदेखि बेपत्ता दावा हिउँमा घिस्रिँदै थिए