अनलाइन नेपाल
काठमाडौं । नेकपा एमालेका अध्यक्ष केपी शर्मा ओलीले निलम्बित स्थायी कमिटी सदस्य डा.विन्दा पाण्डेलाई बोलाएरै भेटेका छन् ।
प्रधानमन्त्रीसमेत रहेका ओलीले बोलाएपछि मंगलबार दिउँसो पाण्डे प्रधानमन्त्रीको सरकारी निवास बालुवाटार पुगेकी हुन् । स्रोतका अनुसार पाण्डे र ओलीबीच करिब ४५ मिनेट कुराकानी भएको थियो ।
भेटमा ओलीले पाण्डेलाई पुरानो वर्षका तितामिठा कुराहरु विर्सेर पार्टीको काममा लाग्न आग्रह गरेको बताइएको छ । पाण्डेले जग्गादान स्वीकार्ने पार्टीको निर्णय गलत भएको बताएकी थिइन् ।
कुराकानीका क्रममा पाण्डेले पार्टीले गरेको भनिएको निलम्बनबारे चासो राखदै चिठी नै नपाएको बताएकी थिइन् ।
गत पुस १० गते बसेको सचिवालय बैठकबाट डा पाण्डे र केन्द्रीय सदस्य उषाकिरण तिम्सेनालाई ६ महिना निलम्बन र पूर्वउपाध्यक्ष डा।भीम रावललाई साधारण सदस्यसमेत नरहने गरी पार्टीबाट निष्काशन गरेको थियो ।
हिमचुली मिडिया प्रा. लि.
इमेल: mail.onlinenepal@gmail.com
फोन नम्बर: +977- 01-4526373 (9851137729, 9851148387)
ठेगाना: न्यू प्लाजा, पुतलीसडक, काठमाडौं
दर्ता नम्बर: 1695/076/077
Leave a Reply