अमेरिकी सेना प्रमुख जर्ज बर्खास्त

अनलाइन नेपाल

शुक्रवार , चैत्र २०, २०८२

एजेन्सी । अमेरिकी सेना प्रमुख जनरल र्‍यान्डी जर्जलाई पदबाट हटाइएको छ ।

अमेरिकी रक्षा मन्त्री पिट हेगसेथले इरानसँगको युद्ध चर्किएकै अवस्थामा जर्जलाई राजीनामा दिन र तत्काल अवकाश लिन निर्देशन दिएका हुन् ।

रक्षा मन्त्रालयका प्रवक्ता सीन पार्नेलले एक विज्ञप्ति जारी गर्दै भनेका छन्, ‘जनरल र्‍यान्डी जर्जले ४१ औं सेना प्रमुखको रूपमा तत्काल लागू हुने गरी अवकाश लिँदै हुनुहुन्छ। राष्ट्रका लागि उहाँले पुर्‍याउनुभएको दशकौँ लामो सेवाप्रति विभाग कृतज्ञ छ र उहाँको सुखद अवकाशको कामना गर्दछ।’

इरानसँगको युद्ध सुरु भएको एक महिनाभन्दा धेरै समय भएसँगै भएको यो कारबाहीलाई विशेष मानिएको छ।

अमेरिकी सेनाले सम्भावित जमिनी आक्रमणका लागि हजारौँ सैनिकहरू मध्यपूर्व पठाइरहेको संवेदनशील समयमा यो बर्खास्ती भएको छ।

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

अमेरिकी सेना प्रमुख जर्ज बर्खास्त