Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार , चैत्र ५, २०८२
काठमाडौं । नेपाली कांग्रेसको शुक्रबार बस्ने केन्द्रीय कार्यसमितिको बैठकमा सभापति गगनकुमार थापाको राजीनामा अस्वीकृत प्रस्ताव पेस हुने भएको छ ।
सभापति थापाले २१ फागुनको निर्वाचनमा भोगेको हारको नैतिक जिम्मेवारी लिँदै उपसभापति विश्वप्रकाश शर्मालाई बुधबार मात्रै राजीनामा पत्र बुझाएका थिए ।
यद्यपि सभापति थापालाई उपसभापति शर्मा, ललितपुर महानगरका मेयरलगायत पार्टीभित्रैका केही नेताहरूले दिन नहुने भन्दै संयुक्त विज्ञप्ति नै जारी गरेका थिए ।
तर बुधबारको शीर्ष तहका नेताहरुको बैठकमा थापाले उपसभापति शर्मालाई राजीनामा पत्र बुझाएका छन् ।
भोलिको बैठकमा शर्माले थापाले सभापति पदबाट राजीनामा दिएको औपचारिक जानकारी गराउने र सो राजीनामा अस्वीकृत गर्ने प्रस्ताव पनि पेस गर्ने भएका छन्।
केन्द्रीय कार्यसमितिको बैठकको थापा सहभागी नहुने बैठकको अध्यक्षता उपसभापति शर्माले गर्नेछन् ।
पुस अन्तिम साता भएको कांग्रेसको विशेष महाधिवेशनबाट गगन थापा सभापति चुनिएका थिए । थापा २१ फागुनको निर्वाचनमा सर्लाही क्षेत्र नम्बर ४ बाट चुनाव लडे पनि रास्वपा उम्मेदवार अमरेस कुमार सिंहसँग पराजित भएका थिए । विशेष महाधिवेशनबाट चुनिएका र चुनाव लडेका सबै पदाधिकारी निर्वाचनमा पराजित भएपछि गगन थापामाथि नैतिक प्रश्न उठेको थियो ।
कांग्रेसले सबै निर्वाचन क्षेत्रमा परिपत्र गरेर निर्वाचनमा विजय-पराजय दुवैको कारणसहित रिपोर्ट पेस गर्न भनेको थियो ।
त्यसैले बैठकमा आमनिर्वाचनको समीक्षा र प्राप्त भएका रिपोर्टको साझा निष्कर्षसमेत उपसभापति शर्माले बैठकमा जानकारी गराउने बताइएको छ ।
© 2026 All right reserved to onlinenepal.com
Design & Developed By
