बैतडी । बैतडीको डिलासैनी गाउँपालिका–७ लेक टोलमा चुनाव प्रचारका क्रममा राष्ट्रिय स्वतन्त्र पार्टी (रास्वपा) र नेकपा एमालेका कार्यकर्ताबीच झडप हुँदा दुई जना घाइते भएका छन् ।
जिल्ला प्रहरी कार्यालय बैतडीका अनुसार झडपमा घाइते हुनेमा २८ वर्षीय जनक धामी र २६ वर्षीय माधव धामी रहेका छन् । दुवै जना एमाले निकट युवा संघसँग आबद्ध रहेको प्रहरीले जनाएको छ ।
घाइतेजनामध्ये जनकको टाउको र निधारमा चोट लागेको छ भने माधवको ढाड र दाहिने खुट्टामा चोट पुगेको छ। उनीहरूको उपचार हाल गोकुलेश्वर अस्पतालमा भइरहेको छ ।
प्रहरीले घटनाबारे थप अनुसन्धानका लागि टोली खटाएको र स्थिति नियन्त्रणमा रहेको जनाएको छ ।