Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बुधवार , माघ ७, २०८२
काठमाडौं । नेकपा एमालेका सचिव तथा भक्तपुर क्षेत्र नं २ का प्रतिनिधिसभा उम्मेदवार महेश बस्नेतले यो चुनावमा देश बनाउने एजेन्डा नभई देश नै सकाउने योजनासहितका पात्रहरू सक्रिय भएको आरोप लगाएका छन्।
बुधबार सामाजिक सञ्जालमार्फत धारणा सार्वजनिक गर्दै बस्नेतले लोकतन्त्र, संविधान र जनताको लामो संघर्षबाट प्राप्त उपलब्धिहरू खारेज गर्न खोज्ने शक्तिहरू राजनीतिक मैदानमा सक्रिय भएको दाबी गरेका हुन् ।
बस्नेतले लेखेका छन्, 'यस चुनावमा देश बनाउने एजेन्डा होइन, देश सकाउने योजनासहित आएका पात्रहरू सक्रिय छन्। लोकतन्त्र, संविधान र जनताको लामो संघर्षबाट प्राप्त उपलब्धिहरू खारेज गर्न खोज्ने शक्तिहरू देश र जनताको जीवन परिवर्तन गर्न होइन, अल्गोरिदमको खरिद–बिक्री गरेर सत्ता कब्जा गर्न राजनीतिमा प्रवेश गरेका छन्।'
उनले साइबर फ्याक्ट्रीबाट निस्केका आवाजहरू जनताको वास्तविक आवाज नभएको दाबी गर्दै भ्रम, झुट र हेरफेरमार्फत जनमत कब्जा गर्ने प्रयास खतरनाक भएको चेतावनी दिए।
'उनीहरूका साइबर फ्याक्ट्रीबाट निस्केका आवाजहरू जनताको वास्तविक आवाज होइनन्। भ्रम, झुट र हेरफेरमार्फत जनमत कब्जा गर्ने यो खतरनाक प्रयासलाई हामीले चिन्नै पर्छ,' उनले भनेका छन्।
बस्नेतले अल्गोरिदममार्फत देश कब्जा गर्न खोज्ने शक्तिबाट लोकतन्त्र, संविधान र जनताको भविष्य जोगाउन सबै सजग हुनुपर्ने पनि आह्वान गरे।
© 2026 All right reserved to onlinenepal.com
Design & Developed By
