काठमाडौं । नेकपा एमालेका सचिव महेश बस्नेतले गएको भदौ २४ गते सिंहदरबारसहितका विभिन्न संरचना जलाउने घटनामा संलग्नहरूमाथि चुनावपछि कडा हिसाबकिताब हुने चेतावनी दिएका छन् ।
आइतबार काठमाडौंमा एमाले वाग्मती प्रदेश कमिटीले आयोजना गरेको सभालाई सम्बोधन गर्दै बस्नेतले मुलुकमा अराजकता मच्चाउने शक्तिहरू पहिचान भइसकेको दाबी गरे ।
'देश जलाउने लुसिफरहरू, दलालहरू हामीले चिनिसक्यौँ । यसको हिसाबकिताब चुनावमार्फत हुन्छ,' उनले भने ।
बस्नेतले आगामी निर्वाचनपछि एमालेको सरकार बन्ने दाबी गर्दै पार्टी अध्यक्ष केपी शर्मा ओली प्रधानमन्त्री बन्ने स्पष्ट गरे ।