रास्वपामा तीन उपसभापति : कुलमान वरिष्ठ, डीपी र स्वर्णिमको वरियता चौथो र पाँचौँ

अनलाइन नेपाल

सोमवार , पौष १४, २०८२

रास्वपामा तीन उपसभापति : कुलमान वरिष्ठ, डीपी र स्वर्णिमको वरियता चौथो र पाँचौँ

काठमाडौं । राष्ट्रिय स्वतन्त्र पार्टी (रास्वपा) र कुलमान घिसिङ संरक्षक रहेको उज्यालो नेपाल पार्टीबीच एकीकरण भएसँगै रास्वपामा तीन जना उपसभापति रहने निर्णय गरिएको छ ।

यसअघि रास्वपामा डीपी अर्याल र स्वर्णिम वाग्ले उपसभापति थिए । अब कुलमान घिसिङ पनि उपसभापतिमा रहनेछन् र उनलाई वरिष्ठ उपसभापतिको जिम्मेवारी दिइने सहमति पत्रमा उल्लेख गरिएको छ ।

यस अगाडि रवि लामिछाने सभापति र बालेन शाहलाई प्रधानमन्त्री बनाउने सहमति भएको थियो । अब त्रिपक्षीय सहमतिमा बालेनलाई तेस्रो वरीयतामा राखिने भएको छ ।

नयाँ सहमतिसँगै हालका उपसभापतिद्वय डीपी अर्याल चौथो र डा. स्वर्णिम वाग्लेको वरीयता पाँचौँमा रहने भएका छन् ।

यसैगरी कुलमान पक्षले रास्वपाको केन्द्रीय कमिटीमा वरिष्ठ उपसभापतिसहित महामन्त्री र ३० प्रतिशत हिस्सापनि पाउने सहमति भएको बताइएको छ ।

यस्तै, आगामी फागुन २१ गतेको प्रतिनिधि सभा निर्वाचनमा कुलमान पक्षले प्रत्यक्षतर्फ २० प्रतिशत र समानुपातिकतर्फ ३० प्रतिशत हिस्सा पाउने सहमति पनि भएको छ।

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

रास्वपामा तीन उपसभापति : कुलमान वरिष्ठ, डीपी र स्वर्णिमको वरियता चौथो र पाँचौँ