रवि-बालेन सहमतिपछि पोखरेलको टिप्पणी- मुलुकको अस्मिता र सामर्थ्य कमजोर बनाउने षड्यन्त्रको तयारी हुँदैछ

अनलाइन नेपाल

आइतवार , पौष १३, २०८२

रवि-बालेन सहमतिपछि पोखरेलको टिप्पणी- मुलुकको अस्मिता र सामर्थ्य कमजोर बनाउने षड्यन्त्रको तयारी हुँदैछ

काठमाडौं । नेकपा एमालेका महासचिव शंकर पोखरेलले रवि लामिछाने र बालेन शाहबीचको सहमतिपछि नेपाललाई युक्रेनजस्तै अस्थिर बनाउने षड्यन्त्रको दोस्रो तयारी भएको टिप्पणी गरेका छन्।

पोखरेलले रवि-बालेनबीच सात बुँदे राजनीतिक सहमति भएपछि आफ्नो यस्तो धारणा सार्वजनिक गरेका हुन् ।

पोखरेलले भदौ २४ गते मुलुकको अस्मिता र सामर्थ्य कमजोर बनाउने उद्देश्यले राज्य र लोकतन्त्रका आधार स्तम्भमाथि आक्रमण गरिएको दाबी गरेका छन्।

आज उनले सामाजिक सञ्जालमा लेखेका छन्- 'भाद्र २३ र २४ गतेको घटना भूराजनीतिक द्वन्द्वको गोटी बनाएर नेपाललाई युक्रेनजस्तै अस्थिर बनाउने षड्यन्त्रको पहिलो चरण थियो। अब सोही षड्यन्त्रको दोस्रो चरणको तयारी पनि सुरु हुँदैछ।'

पोखरेलले यस्तो गम्भीर अवस्थामा नेपाल राष्ट्रलाई भूराजनीतिक द्वन्द्वको गोटी बन्नबाट जोगाउन संविधान र लोकतन्त्रका पक्षधर देशभक्त शक्तिहरू सचेत र एकजुट आवश्यक रहेको बताएका छन् ।

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

रवि-बालेन सहमतिपछि पोखरेलको टिप्पणी- मुलुकको अस्मिता र सामर्थ्य कमजोर बनाउने षड्यन्त्रको तयारी हुँदैछ