Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
मंगलवार , पौष ८, २०८२
काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेले नयाँ र वैकल्पिक भनिएका शक्तिहरूसँग सहकार्यका लागि छलफल सुरु भएको बताएका छन्।
मंगलबार मध्यरातमा रास्वपा सभापति रवि लामिछाने र बालेनबीच वार्ता भएको थियो । छलफलपछि रास्वपाका नेता अशिम शाहले वार्ता सकारात्मक ढंगले अघि बढेको संकेत गरे पनि छलफलबारे केही बाहिरिएको छैन । छलफलमा आगामी निर्वाचनमा रास्वपाले बालेनलाई प्रधानमन्त्री स्वीकार गरेर अघि बढ्ने सहमतिका लागि संवादको ढोका खोलिएको बताइएको छ । यद्यपि लामिछानेले भने आफूहरु त्यति परसम्म पुगेर छलफल गरिनसकेको बताए ।
सहकारी ठगी प्रकरणबारेको मुद्दामा तारेख लिन चितवन पुगेका लामिछानेले सञ्चारकर्मीहरुसँग कुरा गर्दै सो कुरा बताएका हुन् ।
उनले भने-'नयाँ र वैकल्पिक भनिएका शक्तिहरूलाई संवादमार्फत एकै ठाउँमा ल्याउने प्रयासस्वरुप हामी लागिरहेका छौँ। यसलाई अब टुंगोमा पुग्ने गरी संवाद सुरु भएको छ ।'
उनले यस विषयमा अहिले नै हतार गर्न नहुने पनि बताए।
बालेनलाई प्रधानमन्त्री बनाउने सहमति भएको हो ? भन्ने प्रश्नमा लामिछानेले भने- 'हामी त्यसचरणमा प्रवेश गरेका छैनौँ। पहिला त एक अर्काको परिस्थिति बुझ्नुपर्यो, जानकारी लिन पर्यो। हामी दुई जना मात्रै बसेर गरेको संवादमा जसलाई जे स्वाद लाग्छ त्यही भनिदिन त भएन नि।'
उनले नयाँ शक्तिहरूलाई एकत्रित गर्ने सन्दर्भमा सुधन गुरुङ र ऊर्जा मन्त्री कुलमान घिसिङलगायतसँग पनि छलफल गर्ने बताए।
© 2026 All right reserved to onlinenepal.com
Design & Developed By
