सरकारलाई रास्वपाले भन्यो - चुनावमा ध्यान केन्द्रित गर्नू

अनलाइन नेपाल

सोमवार , पौष ७, २०८२

सरकारलाई रास्वपाले भन्यो - चुनावमा ध्यान केन्द्रित गर्नू

काठमाडौं । राष्ट्रिय स्वतन्त्र पार्टीले फागुन २१ गतेको चुनावमा ध्यान केन्द्रित गर्न सरकारसँग आग्रह गरेको छ ।

पार्टी सभापति रवि लामिछानेसहितका नेताहरुले आइतबार राति प्रधानमन्त्री सुशीला कार्कीलाई भेटेर समयमै चुनाव गर्नको लागि सम्पूर्ण शक्ति लगाउन आग्रह गरेका हुन् ।

रास्वपा सभापति लामिछानेसहितका नेताहरूले सरकारका गतिविधि चुनावमा केन्द्रित हुनुपर्नेमा जोड दिएको प्रधानमन्त्रीको सचिवालयले जनाएको छ ।

सभापति लामिछानेले रास्वपा चुनावमा लागिसकेको र अरु राजनीतिक दलहरू पनि त्यसतर्फ अगाडि बढेको आफूलाई महसुस भएको जानकारी दिनुभएको थियो ।

जवाफमा प्रधानमन्त्री कार्कीले आफ्नो ध्यान फागुन २१ का लागि घोषित चुनाव सम्पन्न गराउनेमा मात्रै रहेको बताइन् । रास्वपाका नेताहरुले नवयुवाको आन्दोलनमा उठेका मागहरु सम्वोधन गर्न पनि सरकारको ध्यानाकर्षण गराएका छन् ।

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

सरकारलाई रास्वपाले भन्यो - चुनावमा ध्यान केन्द्रित गर्नू