भदौ २४ को आन्दोलन होइन विध्वंस हो, दोषीलाई उन्मुक्ति दिनु हुन्न : शेखर कोइराला

अनलाइन नेपाल

आइतवार , पौष ६, २०८२

भदौ २४ को आन्दोलन होइन विध्वंस हो, दोषीलाई उन्मुक्ति दिनु हुन्न : शेखर कोइराला

काठमाडौं। नेपाली कांग्रेसका नेता डा. शेखर कोइरालाले भदौ २४ गते भएको घटनालाई विद्रोहभन्दा बढी विध्वंसको संज्ञा दिँदै त्यसमा जेनजी युवाहरूको संलग्नता नरहेको जिकिर गरेका छन् ।

आइतबार विराटनगरमा आयोजित ‘कांग्रेस र नेपालको यात्राः हिजो, आज र भोलि – चुनौती, अवसर र सम्भावना’ विषयक युवासँगको संवाद कार्यक्रममा बोल्दै उनले यस्तो दाबी गरेका हुन् । उनले भदौ २३ गते भएको जेनजी आन्दोलन शान्तिपूर्ण र युवाहरूको आवाज अभिव्यक्त गर्ने लोकतान्त्रिक अभ्यास भएको बताए ।

उनले भने, 'भदौ २३ गतेको आन्दोलन युवाहरूको सचेत र शान्तिपूर्ण अभिव्यक्ति थियो। तर भदौ २४ गते जे भयो, त्यो आन्दोलन होइन, विध्वंस हो। त्यसमा जेनजी युवाहरूको हात छैन।'

उनले दुवै दिनका घटनाबारे निष्पक्ष छानबिन हुनुपर्नेमा जोड दिँदै भदौ २३ र २४ गतेका दोषी जोसुकै भए पनि कानुनको दायरामा ल्याउनुपर्ने माग गरे ।

कार्यक्रममा नेता कोइरालाले शिक्षा क्षेत्रमा भइरहेको राजनीतिकरणप्रति गम्भीर चिन्ता व्यक्त गरे । शिक्षामा राजनीतिक हस्तक्षेपका कारण गुणस्तर खस्किँदै गएको उल्लेख गर्दै उनले शिक्षाबाट राजनीतिलाई पूर्ण रूपमा हटाउनुपर्ने आवश्यकता औंल्याए।

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

भदौ २४ को आन्दोलन होइन विध्वंस हो, दोषीलाई उन्मुक्ति दिनु हुन्न : शेखर कोइराला