काठमाडौं । नेकपा एमालेको ११औँ महाधिवेशन अन्तर्गत आज मतदान हुँदैछ ।
निर्वाचन समितिले अपरान्ह ४ बजेबाट मतदान गर्ने तयारी गरेको थियो । तर निर्वाचन समितिले उम्मेदवारहरुको नाम पुनः प्रकाशित गरेपछि मतदानमा ढिलाइ हुने भएको हो ।
पुनः अर्को नाम केहीबेरअघि मात्रै प्राप्त भएको र अब नाम रि–ईन्ट्री गरेपछि मात्रै मतदान सुरु हुनेछ ।
निर्वाचन समितिले दिएको समय अनुसार प्राप्त भएको उम्मेदवारहरुको नाम प्रकाशित भएको थियो । तर त्यसमा केही त्रुटी भएपछि पुनः नाम प्रकाशित गरिएको हो ।
शनिबार भक्तपुरको सल्लाघारीमा उद्घाटन भएको एमाले महाधिवेशनको बन्दसत्र आइतबारबाट भृकुटीमण्डपमा सुरु भएको छ ।
नयाँ नेतृत्वका लागि एमाले अध्यक्षमा केपी शर्मा ओली र ईश्वर पोखरेलबिच प्रतिष्पर्धा हुँदैछ । विधान संशोधनपछि १९ सदस्यीय पदाधिकारीसहित ३०१ सदस्यीय केन्द्रीय कमिटी निर्वाचित हुँदैछ ।