काठमाडौं । नेकपा एमालेको ११औं महाधिवेशनको मिति नजिकिँदै जाँदा प्यानल निर्माणसँगै नेताहरू तानातानमा परेका छन् ।
अध्यक्ष केपी शर्मा ओली र वरिष्ठ उपाध्यक्ष ईश्वर पोखरेल अध्यक्ष हुने दौडमा छन् । ओली र पोखरेल दुवैले प्यानल निर्माणसहित अध्यक्षमा विजयी हुन आन्तरिक रणनीति निर्माणमा लागेका छन् ।
देशैभरि प्रतिनिधि छनोटको कार्य सकिएको छ । केन्द्रीय कमिटीमा आउन खोजेका नेताहरू काठमाडौं आउनेक्रम सुरु भइसकेको छ ।
पदाधिकारी हुन चाहने नेताहरूले आन्तरिक लबिइङ सुरु गरिसकेका छन् । अहिलेको स्थायी कमिटी र पोलिटब्युरोमा रहेका अधिकांश नेताहरू पदाधिकारी हुन खोजेका छन् ।
अहिले पदाधिकारी रहेका नेताहरू पुनः पदाधिकारी हुन खोजेका छन् । तर, ओली र पोखरेल दुवैलाई पदाधिकारीको टुंगो लगाउन सकस परेको छ । राजधानी दैनिकबाट