आफूले भाग लिन नपाए चुनाव नै हुन नदिने रेशम चौधरीको चेतावनी

अनलाइन नेपाल

शुक्रवार , कार्तिक १४, २०८२

आफूले भाग लिन नपाए चुनाव नै हुन नदिने रेशम चौधरीको चेतावनी

काठमाडौं । नागरिक उन्मुक्ति पार्टी, नेपालका संरक्षक रेशम चौधरीले आफूले भाग लिन नपाए चुनाव नै हुन नदिने चेतावनी दिएका छन् ।

शुक्रबार राष्ट्रिय स्वतन्त्र पार्टी (रास्वपा) ले आयोजना गरेको वृहत् राजनीतिक संवादमा बोल्ने क्रममा चौधरीले यस्तो बताएका हुन् ।

आफूसहित लक्ष्मण थारु र धनिराम चौधरीले आगामी निर्वाचनमा चुनाव लड्न नपाए देशमा चुनाव नै नहुने जिकिर गरे ।

उनले भने- 'रेशम थारु धनिराम थारु र लक्ष्मण थारुले यो चुनावमा भाग लिन पाएनन् भने यो देशमा चुनाव नै हुन सक्दैन । केको चुनाव ? सिङ्गो समुदायको विद्रोहलाई पन्छाएर चुनाव हुन्छ ? नेपाली कांग्रेस एमाले र जेनजीको इतिहास के थियो ? जेनजीको इतिहास के छ ?'

उनले टिकापुर घटनामा आफूलाई फसाइएको दाबी गर्दै सिङ्गो थारु समुदायको विद्रोहलाई पन्छाएर कुनै हालतमा चुनाव हुन नसक्ने बताए ।

साथै चौधरीले जेनजीलाई फसाउन सक्नेतर्फ सचेत हुन आग्रह गरे ।

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

आफूले भाग लिन नपाए चुनाव नै हुन नदिने रेशम चौधरीको चेतावनी