Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
शनिवार , आश्विन २५, २०८२
काठमाडौं । जेनजी विद्रोहको एक महिना पुगेपछि बल्ल राजनीतिक दलहरूले आफ्ना नियमित र आन्तरिक गतिविधिहरू सक्रिय बनाउन थालेका छन् ।
एक महिनासम्म चरम अविश्वासमा देखिएका सरकार र दलहरूबीचको आपसी संवाद पनि सुरु भएको छ । सरकार बनाउन निर्णायक भूमिका खेलेका राष्ट्रपति रामचन्द्र पौडेलको पहलमा शीतलनिवासमा शुक्रबार राजनीतिक दलका प्रतिनिधि, सरकार र राष्ट्रपतिबीच त्रिपक्षीय संवाद सुरु भएको छ ।
राष्ट्रपति रामचन्द्र पौडेल र प्रधानमन्त्री सुशीला कार्की दुवैले दलहरूलाई निर्वाचनमा भाग लिन आग्रह गरेका छन् । दलहरूले भने निर्वाचन भयरहित र निष्पक्ष हुनेमा शंका व्यक्त गरेका छन् ।
कांग्रेस, एमाले, माओवादी केन्द्र, रास्वपासहितका सबै राजनीतिक दलका नेताहरूसँग अन्तरिम सरकारकी प्रधानमन्त्री सुशीला कार्कीसहितका मन्त्रीहरू र ठूला दलका दोस्रो तहका तथा साना दलका शीर्ष नेताबीच पहिलोपटक संवाद भएको हो ।
दलहरूसँग सरकारले संवाद थालेसँगै राजनीतिक दलहरूका आन्तरिक गतिविधिहरू पनि सक्रिय हुन थालेका छन् । जेनजी आन्दोलनले दलका वर्तमान नेतृत्वको विकल्प खोजी गरिरहेका बेला सबैजसो दल पुरानै नेतृत्व बोकेर वार्ता, संवाद र छलफलमा जुटेका छन् ।
रास्वपाले बैठकमार्फत आफ्ना सबै संयन्त्र निर्वाचनमा केन्द्रित गरिसकेको छ भने नेकपा माओवादी केन्द्रले केन्द्रीय समिति भंग गरेर पुष्पकमल दाहाल ‘प्रचण्ड’को संयोजकत्वमा पदाधिकारी रहने संयोजन समिति बनाएर महाधिवेशनको तयारी थालेको छ । राजधानी दैनिकबाट
© 2026 All right reserved to onlinenepal.com
Design & Developed By
