काठमाडौं । नेकपा माओवादी केन्द्रको सचिवालय बैठक आज बस्दै छ।
महाधिवेशन आयोजक कमिटीका संयोजक पुुष्पकमल दाहाल प्रचण्डले दिउँसो १ बजे केन्द्रीय कार्यालय पेरिसडाँडामा बस्नेगरी बैठक बोलाएका हुन्।
बैठकले महाधिवेशनका लागि कार्यविधि बनाउने, मिति तय गर्ने तथा प्रतिनिधि छनोट लगायत विषयमा छलफल हुने पार्टीका नेता अग्निप्रसाद सापकोटाले जानकारी दिए।
असोज ९ र १० गते बसेको पार्टी केन्द्रीय समिति बैठकले केन्द्रीय समिति विघटन गरी मंसिरको अन्तिम हप्ता विशेष महाधिवेशन गर्ने निर्णय गरेको थियो ।
यसैगरी बैठकले प्रचण्डको संयोजकत्वमा महाधिवेशन आयोजक समिति बनाएको थियो। सोही बैठकले पूर्वपदाधिकारीलाई सचिवालयमा रूपान्तरण गरेको थियो ।
यस्तै बैठकमा विपद्पछिको अवस्थाका बारेमा समेत बैठकमा छलफल हुनेछ ।