काठमाडौं । ओमानले एसियन गेम्स पुरुष क्रिकेट छनोटको सेमिफाइनलमा नेपाललाई ९५ रनको लक्ष्य दिएको छ ।
सिंगापुर नेस्नल क्रिकेट ग्राउन्डमा भएको खेलमा नेपालले कसिलो बलिङ गर्दै ओमानलाई ९४ रनमा अलआउट गरेको हो ।
टस जितेर ब्याटिङ रोजेको ओमानले १९.४ ओभरमा सबै विकेट गुमाएर ९४ रन बनायो ।
ओमानका कप्तान सफ्यान मेहमुदले ३८, जुबैर अल बलुशीले २२ र अब्दुल जाइलले १६ रन बनाए ।
नेपालका करण केसीले तीन विकेट लिए । सोमपाल कामी र सन्दीप लामिछानेले दुई–दुई विकेट हात पर्दा शाहब आलम, कुशल मल्ल र दीपेन्द्रसिंह ऐरीले एक–एक विकेट लिए ।
अहिले नेपाल जवाफी ब्याटिङ गरिरहेको छ ।