Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
शनिवार , बैशाख ५, २०८३
काठमाडौं । राष्ट्रिय स्वतन्त्र पार्टी (रास्वपा)ले पार्टी सचिवालयको बैठक आह्वान गरेको छ ।
सभापति रवि लामिछानेले भोलि (आइतबार) दिउँसो साढे ३ बजे पार्टी केन्द्रीय कार्यालय वनस्थलीमा बस्नेगरी सचिवालयको बैठक आह्वान गरेका हुन्।
पार्टी केन्द्रीय कार्यालय बनस्थलीमा आइतबार बस्ने बैठकमा ६ वटा एजेन्डा (कार्यसूची) तय भएको प्रवक्ता मनीष झाले जानकारी दिए। सभापति लामिछानेले आह्वान गरेको सचिवालय बैठकमा पार्टीको सांगठनिक विस्तार र महाधिवेशनको तयारीलगायत विषयमा छलफल हुनेछ।
बैठकमा जिल्ला अधिवेशन कार्यविधि २०८३ माथि छलफल‚ महाधिवेशन कार्यविधि मस्यौदा समिति गठनका विषयमा निर्णय, पार्टीको आर्थिक पारदर्शिता र व्यवस्थापनका लागि बैंक खाता सञ्चालन‚ पार्टीको संरचनालाई पूर्णता दिने क्रममा केन्द्रीय आयोग, सल्लाहकार परिषद्, संघीय नेतृत्व मञ्च र विभिन्न विभागहरूमा गरिने मनोनयनका विषयमा सचिवालयले निर्णय गर्नेछ।
यस्तै रास्वपाले यसपटक नयाँ प्रयोग गर्दै ‘विज्ञहरूको आह्वान’ र ‘योजनाहरूको आह्वान’ लाई पनि बैठकको मुख्य एजेन्डा बनाएको छ। बैठकले सांसदहरूको संगठनात्मक जिम्मेवारी बाँडफाँटलगायत विषयमा पनि निर्णय गर्नेछ।
© 2026 All right reserved to onlinenepal.com
Design & Developed By
