काठमाडौं । राष्ट्रिय स्वतन्त्र पार्टी सभापति रवि लामिछानेले पार्टी संसदीय दलका नेता बालेन शाहलाई प्रधानमन्त्री बनाउन पाउँदा गर्व लागेको बताएका छन् ।
सभापति लामिछानेले सिंहदरबारमा सञ्चारकर्मीसँग कुरा गर्दै यस्तो बताएका हुन् ।
उनले प्रधानमन्त्री बालेनले पाँच वर्ष मात्र नभई त्यो भन्दा लामो समय काम गर्ने बताए । उनले प्रधानमन्त्रीमा कुनै आलोपालो नहुने समेत बताएका छन् ।
‘जनतामाझ गरेको वाचा पुरा गरेका छौं, अब जनजीविकाका सवालमा काम गर्नुपर्ने दायित्व हामीसँग छ,’ सभापति लामिछानेले भने ।