काठमाडौं । प्रधानमन्त्री बालेन्द्र शाह ‘बालेन’को शपथ समारोहमा पाँच जना पूर्वप्रधानमन्त्रीहरू सहभागी भए पनि केपी ओली भने अनुपस्थित भए ।
राष्ट्रपति कार्यालय शीतलनिवासका आयोजित विशेष शपथ समारोहमा पूर्वप्रधानमन्त्रीहरू पुष्पकमल दाहाल ‘प्रचण्ड’, माधवकुमार नेपाल, झलनाथ खनाल र बाबुराम भट्टराई सहभागी भएका छन् ।
अन्तरिम सरकारका प्रमुख तथा सर्वोच्च अदालतका पूर्वप्रधानन्यायाधीश खिलराज रेग्मी पनि समारोहमा सहभागी छन् ।
पूर्वप्रधानमन्त्री तथा नेकपा एमालेका अध्यक्ष केपी शर्मा ओली भने समारोहमा सहभागी भएनन् । पूर्वप्रधानमन्त्री तथा नेपाली कांग्रेससका पूर्वसभापति शेरबहादुर देउवा भने विदेशमा रहेका छन् ।
ओलीलाई नै पराजित गरेर बालेन सांसद बनेका थिए । एकातिर आफूलाई पराजित गरेको व्यक्ति प्रधानमन्त्री बनेको त अर्कोतिर बुबाको देहान्तपछि पितृशोकमा रहेका कारण पनि ओली अनुपस्थित भएको हुनसक्ने आँकलन गरिएको छ ।