Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार , फाल्गुण २८, २०८२
काठमाडौं । नेकपा एमालेले भर्खरै सम्पन्न आम निर्वाचन–२०८२ को परिणाम आफ्नो पार्टीका लागि अपेक्षाअनुसार सुखद नभएको स्वीकार गरेको छ ।
पार्टीका महासचिव शंकर पोखरेल ले बिहीबार सामाजिक सञ्जालमार्फत प्रत्यक्षतर्फका १६५ वटै निर्वाचन क्षेत्रको नतिजाबारे समीक्षा प्रक्रिया सुरु भइसकेको जानकारी दिएका हुन् ।
उनका अनुसार क्षेत्रगत अध्ययन पूरा भएपछि निर्वाचनको समग्र समीक्षा गर्ने तयारी गरिएको छ।
खराब नतिजापछि पार्टीभित्र अन्तरविरोध बढाउने प्रयास भइरहेकोतर्फ संकेत गर्दै महासचिव पोखरेलले नेता–कार्यकर्तालाई सचेत रहन आग्रह गरेका छन् ।
केही सञ्चारमाध्यमले नेताहरूको नाम जोडेर ‘मिडिया ट्रायल’ चलाइरहेको दाबी गर्दै उनले त्यसप्रति भ्रमित नहुन पार्टी पंक्तिलाई आग्रह गरे ।
पोखरेलले विगतमा पनि पार्टीले विभिन्न संकट र चुनौतीको दृढतापूर्वक सामना गर्दै अघि बढेको स्मरण गराउँदै अहिलेको परिस्थितिलाई पनि पार गर्दै एमाले अझ मजबुत बन्ने विश्वास व्यक्त गरेका छन् ।
साथै उनले नेता तथा कार्यकर्तालाई जनतासँगको सम्बन्ध र विश्वास पुनःस्थापित गर्न विशेष जोड दिन निर्देशन दिएका छन् । एकताबद्ध भएर काम गरेमा पार्टीले आगामी दिनमा सफलता हासिल गर्ने उनले बताएका छन् ।
© 2026 All right reserved to onlinenepal.com
Design & Developed By
