काठमाडौं । नेपाली कांग्रेसका सङ्खुवासभा महासमिति सदस्य मुक्तिसिंह राई राष्ट्रिय स्वतन्त्र पार्टी प्रवेश गरेका छन्।
राई बिहीबार पार्टी केन्द्रीय कार्यालय पुगेर रास्वपा प्रवेश गरेका हुन् ।
पार्टी उम्मेदवार मिङमा शेर्पाको विशेष पहलमा राई पार्टी प्रवेश गरेका रास्वपाले जनाएको छ । उम्मेदवार शेर्पा पनि रास्वपा प्रवेश गर्नुअघि कांग्रेस महासमिति सदस्य थिए।
यस्तै नेकपा एमालेका भातृ संगठन खेलकुद महासंघका अध्यक्ष सुनिल श्रेष्ठ, युवा संघका जिल्ला सदस्य र तरुण दलका जिल्ला सदस्यले समेत आजै रास्वपा प्रवेश गरेका छन् ।
उनीहरुलाई उपसभापति डीपी अर्यालले पार्टीमा स्वागत गरेका छन् ।