Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
आइतवार , पौष १३, २०८२
काठमाडौं । राष्ट्रिय स्वतन्त्र पार्टीका सभापति रवि लामिछाने र काठमाडौं महानगरपालिकाका बालेन शाहबीच सात बुँदे सहमति भएको छ । लामो समयदेखि चलिरहेको रस्साकस्सीपछि दुवै नेताबीच ७ बुँदे सहमति कायम भएको हो।
सहमतिमा जेनजी (नव) युवाले भ्रष्टाचार र कुशासनविरुद्ध गरेको आन्दोलनको अपनत्व लिने तथा आन्दोलनका क्रममा घाइते भएका र सहिद परिवारका मागहरू यथोचित रूपमा सम्बोधन गर्ने प्रतिबद्धता जनाइएको छ।
सहमतिका पहिलो बुँदामा भनिएको छ, 'नव (जेनजी) युवाहरूले भ्रष्टाचार र कुशासन विरुद्ध गरेको आन्दोलनको अपनत्व लिई घाइते तथा सहिद परिवारका मागहरूको यथोचित सम्बोधन गर्ने प्रतिबद्धता जनाउने।'
सहमतिको सबैभन्दा महत्वपूर्ण र राजनीतिक रूपमा ठुलो खुलासा चौथो बुँदामा गरिएको छ । जसअनुसार राष्ट्रिय स्वतन्त्र पार्टीको केन्द्रीय सभापतिमा रवि लामिछाने नै रहने र आसन्न प्रतिनिधिसभा निर्वाचनपछि संसदीय दलको नेतासहित भावी प्रधानमन्त्रीको उम्मेदवारका रूपमा बालेन्द्र शाहलाई अघि सार्ने उल्लेख गरिएको छ।
सहमति अनुसार नयाँ बन्ने दल, चुनाव चिह्न र पार्टी कार्यालयको नामसमेत राष्ट्रिय स्वतन्त्र पार्टी नै रहनेछ। साथै पार्टी संगठनमा युवाको व्यापक सहभागिता सुनिश्चित गर्ने विषयलाई प्राथमिकताका साथ समेटिएको छ।
© 2026 All right reserved to onlinenepal.com
Design & Developed By
