Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
शुक्रवार , पौष ४, २०८२
काठमाडौं । नेकपा एमालेको ११ औँ महाधिवेशनबाट निर्वाचित नयाँ केन्द्रीय कमिटीमा उपाध्यक्ष रामबहादुर थापा ‘बादल’ लाई दोस्रो वरीयतामा राखिएको छ ।
उपाध्यक्षमा ५ जना निर्वाचित भएकोमा माओवादी पृष्ठभूमिका बादललाई दोस्रो वरीयतामा राखिएको हो ।
दशौँ राष्ट्रिय महाधिवेशनबाट निर्वाचित केन्द्रीय कमिटीमा बादल यसअघि पाँचौँ वरीयतामा थिए ।
एमालेको एघारौँ महाधिवेशनपछि आज शुक्रबार नवनिर्वाचित केन्द्रीय कमिटीको पहिलो बैठक थापाथलीस्थित कार्की ब्यांकेट जारी छ ।
बैठकमा अध्यक्ष ओलीको दाहिनेतिर पहिलो नम्बरमा बादल बसेका छन् भने त्यसपछि क्रमशः विष्णुप्रसाद पौडेल, पृथ्वीसुब्बा गुरुङ, गोकर्ण विष्ट र रघुजी पन्त छन् । पौडेल यसअघि छैटौँ वरीयतामा रहेका थिए । उनी अहिले तेस्रो वरियतामा पुगेका छन् ।
गुरुङ उपमहासचिवबाट उपाध्यक्ष बनेका हुन् । सचिवबाट उपाध्यक्षमा फड्को मारेका विष्ट यसअघि १४औँ वरीयतामा थिए ।
पन्त स्थायी कमिटी सदस्यबाट सिधै उपाध्यक्ष बनेका हुन् । उनी दशौँ महाधिवेशनमा केन्द्रीय सदस्य निर्वाचित भएका थिए। त्यतिबेला उनी एमाले केन्द्रीय कमिटीमा २३औँ नम्बरमा थिए ।
© 2026 All right reserved to onlinenepal.com
Design & Developed By
