काठमाडौं । नेकपा एमालेको ११औँ महाधिवेशनबाट निर्वाचित केन्द्रीय कमिटीको पहिलो बैठक सुरु भएको छ ।
थापाथलीस्थित कार्की ब्याङ्क्वेटमा केहीबेर अघि मात्र सुरु भएको बैठक अध्यक्ष केपी शर्मा ओलीले सम्बोधन गरिरहेका छन् ।
११ औँ राष्ट्रिय महाधिवेशनबाट निर्वाचित अध्यक्ष ओलीसहित ३०१ पदाधिकारी र केन्द्रीय सदस्यहरूले बिहीबार शपथ ग्रहण गरेका थिए । शपथपछि पार्टीको यो पहिलो बैठक हो ।
शुक्रबारको केन्द्रीय कमिटी बैठकमा महाधिवेशनको समग्र समीक्षा, पार्टीको समसामयिक राजनीतिक कार्यदिशा, केन्द्रीय कमिटीका जिम्मेवारी बाँडफाँट तथा आगामी कार्य योजनाबारे छलफल हुने बताइएको छ ।
महाधिवेशनपछि बस्न लागेको यो केन्द्रीय कमिटीले विशेष गरी जेन जेड आन्दोलनपछि महाधिवेशनको समीक्षा र अहिलेको राजनीतिक अवस्थाको बारेमा कसरी अगाडि जाने भन्ने विषयमा निर्णय गर्ने छ।