Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
मंगलवार , पौष १, २०८२
काठमाडौं । तनहुँ जिल्लाको व्यास नगरपालिका–७, क्यामी निवासी युवा नेता तथा समाजसेवी पूर्ण बहादुर गुरुङ नेकपा एमालेको केन्द्रीय सदस्य पदका उम्मेदवार बनेका छन् ।
काठमाडौंको भृकुटीमण्डपमा जारी नेकपा एमालेको महाधिवेशनमा उनले आदिवासी जनजाति कोटाअन्तर्गत खुला तर्फ केन्द्रीय सदस्य पदमा उम्मेदवारी दिएका हुन् । गुरुङ विद्यार्थी जीवनदेखि नै राजनीति र सामाजिक सेवामा सक्रिय रहँदै आएका छन् ।
गुरुङले देशभित्र मात्र नभई विदेशमा रहेका नेपालीहरूको उद्धार र सहयोगमा समेत सक्रिय भूमिका निर्वाह गर्दै आएका छन्।
विगतदेखि वर्तमानसम्म समाजसेवा र राजनीतिलाई सँगसँगै अघि बढाइरहेका उनी युवामाझ परिचित र भरोसायोग्य नेताका रूपमा चिनिन्छन् । देश, जनता र पार्टीप्रति समर्पित भावनाका साथ आफूले उम्मेदवारी दिएको गुरुङको भनाइ छ ।
आदिवासी जनजाति कोटाबाट उम्मेदवार भए पनि सबै जातजातिको साझा प्रतिनिधित्व गर्ने प्रतिबद्धता जनाउँदै उनले मतदाताको मतको उच्च कदर गर्ने बताएका छन् । आफूलाई अत्यधिक मतले विजयी गराइदिन उनले मतदातासँग अनुरोध गरे ।
© 2026 All right reserved to onlinenepal.com
Design & Developed By
