काठमाडौं । नेकपा एमालेले ११ औँ महाधिवेशनका १०८ जना प्रतिनिधि मनोनयन गरेको छ ।
शुक्रबार पार्टी केन्द्रीय कार्यालय च्यासलमा बसेको बैठकले उनीहरूलाई महाधिवेशन प्रतिनिधिका रूपमा मनोनयन गर्ने निर्णय गरेको हो ।
१०८ जना प्रतिनिधि मनोनीत भएसँगै एमालेको ११औँ महाधिवेशनमा सङ्ख्या २ हजार २ सय ६२ जना प्रतिनिधिले मतदान गर्न पाउने भएका छन् ।
मनोनित प्रतिनिधिहरू विभिन्न क्षेत्र, पेसा र जिम्मेवारीका आधारमा चयन गरिएको जनाइएको छ । महाधिवेशनलाई समावेशी र प्रभावकारी बनाउन नेतृत्व तहले मनोनयनमार्फत प्रतिनिधित्व सुनिश्चित गरेको जनाइएको छ ।




