Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
शुक्रवार, जेठ २२ गते २०८३
Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
बुधवार , मंसिर १०, २०८२
काठमाडौं । नेपाली कांग्रेसमा विशेष महाधिवेशनको माग तीव्र बन्दै गएको समयमा आज काठमाडौंमा विशेष महाधिवेशन पक्षधर नेताहरू भेला हुँदैछन् । दिउँसो १ बजेपछि राष्ट्रिय सभा गृह, भृकुटीमण्डपमा विशेष भेला आयोजना गरिएको हो ।
विशेष महाधिवेशन माग्दै आएका नेताहरूले पार्टीभित्र देखिएको अनिर्णय, सुधारको आवश्यकता र जेनजी आन्दोलनपछि उत्पन्न जनदबाबलाई मुख्य कारण बताउँदै चुनावअघि नै पार्टीलाई पुनर्गठित र सुदृढ बनाउनुपर्ने आवश्यकता दोहोर्याउँदै आएका छन्।
भेला काठमाडौं बाहिरका जिल्लाबाट समेत सयौँ नेता तथा कार्यकर्ताको सहभागितासहित हुँदैछ । भेला विशेष महाधिवेशनको मागलाई थप संस्थागत दबाबको रूपमा अघि बढाउने उद्देश्य रहेको छ ।
विशेष महाधिवेशन माग गर्दै असोज २८ गते नै देशभरका ५४ प्रतिशत महाधिवेशन प्रतिनिधिहरूको हस्ताक्षर कांग्रेसका कार्यवहाक सभापति पूर्णबहादुर खड्कालाई बुझाइसकिएको छ । गगन थापा, विश्वप्रकाश शर्मा लगायत संस्थापनइतर नेताहरू चुनावअघि नै महाधिवेशन हुनुपर्ने पक्षमा उभिएका छन्।
तर संस्थापनपक्ष भने २१ फागुनको निर्वाचनअघि महाधिवेशन गर्नु उपयुक्त नहुने तर्क गर्दै आएको छ।
© 2026 All right reserved to onlinenepal.com
Design & Developed By
