काठमाडौं । नेपाली कम्युनिस्ट पार्टी (नेकपा) का संयोजक पुष्पकमल दाहाल 'प्रचण्ड' शनिबार राति नुवाकोट पुगेका छन् ।
काठमाडौँमा आयोजित जेनजीसँगको पार्टी कार्यक्रम सकेपछि उनी अबेर राति नुवाकोटको पञ्चकन्या पुगेका हुन् ।
उनले पञ्चकन्यामा स्थानीय परिवारको घरमै बसेर ‘जनताको घरमा बास, जनताको चुलोको गाँस’ कार्यक्रम अघि बढाएका छन् ।
प्रचण्ड स्थानीयहरूसँग घुलमिल भएर गरेको कुराकानी, हाँसो–ठट्टा र रातिकै वातावरण झल्काउने तस्बिर र भिडिओ सार्वजनिक भएका छन् ।