काठमाडौंमा सुरु भयो एमालेको शक्ति प्रदर्शन

अनलाइन नेपाल

शनिवार , मंसिर ६, २०८२

काठमाडौंमा सुरु भयो एमालेको शक्ति प्रदर्शन

काठमाडौं । नेकपा एमालेले काठमाडौंमा शान्तिपूर्ण जनप्रदर्शन सुरु गरेको छ ।

प्रतिगामी षडयन्त्रका विरुद्ध सुरु गरेको जनपरिचालन कार्यक्रम अन्तर्गत आज बागमती प्रदेश कमिटीले शान्तिपूर्ण जनप्रदर्शन गरेको हो ।

एमालेले प्रतिनिधिसभाको पुनर्स्थापनालाई मुख्य माग राखेर आजको जनसभा आयोजना गरेको हो ।

भदौ २३ र २४ गतेको विध्वंसपछि असंवैधानिक रुपमा प्रधानमन्त्री नियुक्ति र प्रतिनिधिसभाको विघटन गरिएको विरोधमा वडा, पालिका, जिल्ला तहबाट जनपरिचालन कार्यक्रम गरिसकेको छ ।

एमालेका नेता, कार्यकर्ता, जनसंगठन, सम्पर्क समन्वय कमिटीका तर्फबाट निकालिने र्‍याली प्रदर्शनी मार्गमा जम्मा हुनेछ ।

प्रदर्शनी मार्गबाट रत्नपार्क परिक्रमा गरेर भृकुटी मण्डपमा आमसभामा परिणत हुनेछ । जनसभालाई अध्यक्ष केपी शर्मा ओलीलगायतका नेताले सम्बोधन गर्ने कार्यक्रम छ ।

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

काठमाडौंमा सुरु भयो एमालेको शक्ति प्रदर्शन