सिरहामा एमालेले भीड देखाउन इन्धन वितरण गरेको खुलासा

अनलाइन नेपाल

शनिवार , कार्तिक २९, २०८२

सिरहामा एमालेले भीड देखाउन इन्धन वितरण गरेको खुलासा

सिरहा । प्रतिनिधिसभा पुनर्स्थापनाको मागसहित नेकपा एमालेद्वारा सिरहा सदरमुकाममा आयोजित मोटरसाइकल र्‍याली तथा जागरण सभामा मानिस उतार्न इन्धन वितरण गरिएको खुलेको छ ।

शनिबारको अभियानमा सहभागीहरूलाई पेट्रोल–डिजेल बाँडेर उपस्थित गराइएको हो । प्रति मोटरसाइकल ३ लिटर पेट्रोल, गाउँ–गाउँबाट मान्छे बोकेर आएका ठूला सवारी साधनलाई १०–१५ लिटर पेट्रोल वा डिजेल वितरण गरिएको बताइएको छ ।

कार्यक्रमका लागि सिरहाका विभिन्न पम्पहरूबाट समेत इन्धन उपलब्ध गराइएको स्थानीयहरूले बताए । जिल्लाका १७ वटै स्थानीय तहबाट करिब ८ हजार मोटरसाइकल र १५ हजारभन्दा बढी मानिस सहभागी भएको एमाले मधेश प्रदेशले जनाएको छ ।

इन्धन वितरणबारे प्रश्न गर्दा अध्यक्ष मण्डलले सुरुआतमा अस्वीकार गरे । उनले पार्टीले कार्यकर्ताबाट सहयोग उठाएर इन्धन वितरण गरेको बताए ।

कार्यक्रममा एमाले स्थायी कमिटी सदस्य लीलानाथ श्रेष्ठ, पार्टीका प्रदेशस्तरीय तथा जिल्ला तहका प्रमुख नेताहरूको उपस्थिति थियो।

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

सिरहामा एमालेले भीड देखाउन इन्धन वितरण गरेको खुलासा