Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
शनिवार , कार्तिक ८, २०८२
काठमाडौं । नेकपा एमाले नेता महेश बस्नेतले पूर्वप्रधानमन्त्री तथा पार्टी अध्यक्ष केपी शर्मा ओलीका लागि बन्ने ‘ओली निवास’ निर्माणमा चन्दा संकलनको कुनै योजना नरहेको बताएका छन् ।
शनिबार सामाजिक सञ्जालमार्फत आफ्नो धारणा सार्वजनिक गर्दै बस्नेतले गुण्डुबासीहरूको साझा भावना र सम्मानका प्रतीकका रूपमा ओली निवास निर्माणको पहल भएको स्पष्ट पारेका हुन् ।
उनका अनुसार, उक्त निवास निर्माण कार्य गुण्डुबासीकै हात र मनबाट हुने भएको हो । बस्नेतले लेखेका छन्, ‘पूर्वप्रधानमन्त्री तथा एमाले अध्यक्ष केपी शर्मा ओलीज्यूको निमित्त बन्ने ओली निवास हाम्रो आफ्नै गाउँको पहल हो।’
बस्नेतले केही व्यक्तिहरूले भावनात्मक रूपमा चन्दा दिन इच्छाएको र केही सञ्चारमाध्यमहरूले चन्दा उठाउने खबर प्रकाशित गरेको उल्लेख गर्दै त्यसमा सत्यता नरहेको बताएका छन् ।
‘चन्दा उठाउने कुनै योजना छैन, कसैसँग पनि चन्दा उठाइँदैन,’ उनले लेखेका छन्, ‘यो हाम्रो आत्मीयता, स्नेह र गौरवको प्रतीक हो।’ बस्नेतले ओलीप्रतिको सम्मान र शुभेच्छा व्यक्त गर्ने सबैलाई धन्यवाद समेत दिएका छन् ।
© 2026 All right reserved to onlinenepal.com
Design & Developed By
