Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
शुक्रवार , कार्तिक ७, २०८२
काठमाडौं । नेकपा (माओवादी केन्द्र) ले अन्य राजनीतिक दलसँग पार्टी एकताको विषयमा अहिलेसम्म कुनै सहमति वा टुंगो नलागेको स्पष्ट पारेको छ ।
पार्टी अध्यक्ष पुष्पकमल दाहाल ‘प्रचण्ड’को सचिवालयले शुक्रबार एक विज्ञप्ति जारी गर्दै सामाजिक सञ्जाल र सञ्चार माध्यममा फैलिएका पार्टी एकतासम्बन्धी समाचारहरू आधारहीन र असत्य भएको जनाएको हो ।
सचिवालयले समाजवादी मोर्चामा आबद्ध दलहरू र अन्य वामपन्थी, प्रगतिशील समूहहरूसँग वैचारिक तथा सांगठनिक छलफल भने घनिभूत रूपमा जारी रहेको उल्लेख गरेको छ।
विज्ञप्तिमा भनिएको छ, 'नेकपा (माओवादी केन्द्र)को केन्द्रीय समिति बैठकले गरेको निर्णय र आवश्यकता अनुसार समाजवादी मोर्चामा आबद्ध दलहरू तथा अन्य वामपन्थी र प्रगतिशील समूहहरूसँग नेपाली समाजवादी क्रान्तिका कार्यभार पूरा गर्न वैचारिक र सांगठनिक विषयमा छलफल भइरहेको छ।'
सचिवालयले हाल भइरहेको छलफललाई राजनीतिक एकता होइन, संयुक्त मोर्चा र साझा कार्ययोजनाको तयारी प्रक्रियाको रूपमा व्याख्या गरेको छ।
विज्ञप्तिमा भनिएको छ, 'कुनै पनि दलसँग एकता गर्ने विषयमा अन्तिम निर्णय वा टुंगो लागिसकेको छैन। नेपाली जनताको अगुवाइमा भएका ऐतिहासिक क्रान्ति र संघर्षहरूको रक्षा गर्दै बाँकी कार्यभार पूरा गर्न एकता अपरिहार्य रहेको हाम्रो ठहर हो।'
पार्टीले इतिहासको आवश्यकतालाई मनन गर्दै एकता र सहकार्यका सम्भावनाहरूमा गम्भीर छलफल भइरहेको उल्लेख गर्दै सामाजिक सञ्जाल र केही सञ्चार माध्यममार्फत आएको प्रचारप्रति ध्यान नदिन आम सदस्य र जनसमुदायलाई आग्रह गरेको छ।
© 2026 All right reserved to onlinenepal.com
Design & Developed By
