काठमाडौं । नेपाली बजारमा सुनको मूल्य उच्च विन्दुबाट एकैदिन तोलामा ४ हजार ८०० रुपैयाँले घटेको छ ।
आइतबार सुनको मूल्य घटेर तोलाको दुई लाख ५३ हजार २०० रुपैयाँ कारोबार भइरहेको नेपाल सुनचाँदी व्यवसायी महासंघले जनाएको छ ।
गतको शुक्रबार छापावाला सुन प्रतितोला दुई लाख ५८ हजार रुपैयाँमा किनबेच भएको थियो । यो मूल्य हालसम्मकै उच्च हो ।
यस्तै चाँदीको मूल्य पनि हालसम्मकै उच्च विन्दुबाट तोलामा ७५ रुपैयाँले घटेको छ । चाँदी प्रतितोला तीन हजार २७५ रुपैयाँमा खरिद-बिक्री भइरहेको महासंघले जनाएको छ ।
शुक्रबार चाँदी प्रतितोला तीन हजार ३५० रुपैयाँमा कारोबार भएको थियो ।