Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
शुक्रवार , आश्विन २४, २०८२
काठमाडौं । दुई दिने जेनजी आन्दोलनपछि बनेको सुशीला कार्की नेतृत्वको सरकारले नेकपा माओवादी केन्द्रका संयोजक पुष्पकमल दाहाल ‘प्रचण्ड’को सुरक्षामा खटिएका प्रहरीलाई कटौती गरेपछि वाईसीएल उनको सुरक्षामा खटिएको छ ।
पूर्वलडाकु ब्याकग्राउण्डका वाईसीएलको टोली प्रचण्डको सुरक्षामा खटिएको हो । सरकारले सुरक्षामा खटिएको जनशक्ति फिर्ता गरेपछि वाईसीएलले सुरक्षा दिन थालेको हो ।
वाईसीएलका अध्यक्ष पुष्प ओलीले संयोजक प्रचण्डको सुरक्षामा वाईसीएल टोली खटिएको पुष्टि गरिसकेका छन् । ओलीले पछिल्लो परिस्थितिमा संयोजकमाथि सुरक्षा थ्रेट हुनसक्ने भएकाले आवश्यकता अनुसारको संख्यामा वाईसीएल टोली खटाएको बताएका छन् ।
ओलीले वाइसीएल खटिएको बताएपनि प्रचण्डको सुरक्षामा पूर्वलडाकुसमेत सहभागी छन् । उनीहरूलाई तीन तहको सुरक्षा घेरामा परिचालन गरिएको छ । सबैभन्दा भित्री घेरामा विशेष तालिमप्राप्त पूर्वलडाकुहरू राखिएको स्रोतको दावी छ ।
बाहिरी घेरामा वाईसीएलको फिल्डमा खटिने गरेको टोली छ भने त्यो भन्दा भित्री घेरामा गोप्य सूचना संकलनको उद्देश्यसहित परिचालन गरिएको अर्को टोली रहेको माओवादी नेताहरु नै बताउँछन् ।
प्रचण्डको यात्रामा स्कर्टिङ गर्नुपरेमा पनि केन्द्र र सम्बन्धित जिल्लाको वाईसीएलको विशेष टिम खटिने गरी व्यवस्था मिलाइएको बताइएको छ ।
१० वर्षे सशस्त्र जनयुद्ध गरेको माओवादीमा पूर्व लडाकुहरु धेरै छन् । उनीहरु नै संयोजक दाहालको सुरक्षामा खटिएको बताइएको छ ।
© 2026 All right reserved to onlinenepal.com
Design & Developed By
