Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
आइतवार , आश्विन १९, २०८२
काठमाडौं । देशभर अविरल वर्षाका कारण उत्पन्न बाढी र पहिरोबाट प्रभावित नागरिकहरूको उद्धारका लागि नेपाली सेना सक्रिय रूपमा खटिएको छ।
आइतबार साँझसम्म सेनाले अन्य सुरक्षा निकाय र स्थानीय प्रशासनसँगको समन्वयमा मोरङ, झापा र इलामका विभिन्न स्थानबाट ७० जनाभन्दा बढी नागरिकलाई सकुशल उद्धार गरेको जनाएको छ।
सबैभन्दा बढी प्रभावित झापामा सेनाले हवाई र स्थलमार्ग दुवै माध्यमबाट उद्धार कार्यलाई तीव्रता दिएको छ। झापा गाउँपालिका–१ मिलनबस्तीमा माई खोलाले हुलाकी राजमार्ग कटान गर्दा फसेका करिब ८० जनामध्ये सेनाको हेलिकप्टरमार्फत १६ जना र मोटरबोट प्रयोग गरी २० जनाको उद्धार गरिएको सेनाले जानकारी दिएको छ।
बाँकी नागरिकहरूको उद्धारका लागि काठमाडौंबाट विशेष उपकरण र दक्ष जनशक्तिसहित पुगेको हेलिकप्टर टोलीले निरन्तर कार्य गरिरहेको बताइएको छ।
त्यस्तै, झापा गाउँपालिकाका वडा नं. १, २ र ६ का डुबानमा परेका बस्तीहरूबाट सेनाले थप ३९ जनालाई मोटरबोटमार्फत सुरक्षित स्थानमा सारिएको छ।
मोरङको कटहरी गाउँपालिका–४, नयाँबजारस्थित सुकुम्बासी टोलमा लोहन्द्रा खोलाको बाढीले डुबान गर्दा फसेका ६ जना बालबालिकालाई सेनाको टोलीले उद्धार गरी सुरक्षित स्थानमा पुर्याएको छ।
सेनाका अनुसार, बाढीपहिरोबाट प्रभावित क्षेत्रहरूमा अन्य सुरक्षा निकाय र स्थानीय निकायहरूसँग सहकार्य गर्दै खोज तथा उद्धार कार्य निरन्तर भइरहेको छ। विपद्को बेला जनताको ज्यान र सम्पत्तिको सुरक्षा सेनाको प्रमुख प्राथमिकता रहेको सेनाले जनाएको छ।
© 2026 All right reserved to onlinenepal.com
Design & Developed By
