Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
शुक्रवार , भाद्र ६, २०८२
काठमाडौं । नेकपा एमालेको संस्थागत निर्णयविपरीत पूर्वउपाध्यक्ष विद्यादेवी भण्डारी पार्टी राजनीतिमा जबर्जस्त रूपमा स्थापित हुने अभियानमा जुटेकी छन् ।
एमाले वरिष्ठ उपाध्यक्ष ईश्वर पोखरेलसहितका नेताहरूलाई साथमा राखेर उनले आफू एमालेमै भएको पुनः दाबी गरेकी छन् ।यसअघि गत १४ असारमा राष्ट्रिय सभागृहबाट सक्रिय राजनीतिमा लागेको घोषणा भण्डारीले गरेकी थिइन् ।
पार्टीको संगठित सदस्यता नवीकरण गरिसकेर सक्रिय राजनीतिमा लागेपछि हालै बसेको एमाले केन्द्रीय कमिटीको बैठकले उनको सदस्यता ‘होल्ड’ गर्दै राजनीतिमा ‘ब्रेक’ लगाउने निर्णय गरेको थियो ।
पूर्वराष्ट्रपति भइसकेको व्यक्ति सक्रिय राजनीतिमा आउन नमिल्ने निष्कर्षसहित भण्डारीलाई पार्टीले रोक्न खोजे पनि उनी थप सक्रिय हुन थालेकी छन् ।
लामो समयदेखि एमालेमा संस्थापनबाहेक कुनै गुट बन्न सकेको थिएन । तर, बिहीबारबाट भण्डारीको नेतृत्वमा वरिष्ठ उपाध्यक्ष पोखरेलसहितका नेताहरूले बानेश्वरबाट एमालेमा प्रस्ट दुई धार निर्माण भएको संकेतसमेत दिएका छन् ।
बिहीबार काठमाडौंको थापागाउँ, नयाँबानेश्वरमा मदन भण्डारीको ७५औं जन्मजयन्ती मूल व्यवस्थापन समितिको कार्यालय उद्घाटन गर्दै एमाले पूर्वउपाध्यक्ष भण्डारीले अब त्यही कार्यालयबाट पार्टी गुटको राजनीति सुरुवात गर्दै छिन् ।
भण्डारी समूहले यसलाई ‘मदन भण्डारी ७५औं जन्मजयन्ती मूल व्यवस्थापन समिति’को कार्यालय भनेको छ । राजधानी दैनिकबाट
© 2026 All right reserved to onlinenepal.com
Design & Developed By
