Jun 12 2026 | २०८३, जेठ २९ गते
12 Jun 2026 | शुक्रवार, जेठ २९ गते २०८३
शुक्रवार, जेठ २९ गते २०८३
Jun 12 2026 | २०८३, जेठ २९ गते
12 Jun 2026 | शुक्रवार, जेठ २९ गते २०८३
आइतवार , चैत्र २३, २०८१
काठमाडौं। नेपाल विद्युत् प्राधिकरणबाट बर्खास्तीमा परेका कुलमान घिसिङको पुनर्बहालीको माग गर्दै आइतबार राजधानीमा प्रदर्शन भएको छ ।
आफूहरूलाई स्वतन्त्र नागरिक समूह भएको बताउने कुलमानका समर्थकहरूले विभिन्न ब्यानर र प्लेकार्डसहित प्रदर्शन गरेका हुन् ।
बानेश्वरबाट सुरु भएको र्याली माइतीघर पुगेर कोण सभामा परिणत भएको थियो । र्यालीमा विभिन्न सांस्कृतिक झाँकी समेत प्रदर्शन गरिएको थियो । सो क्रममा उर्जामन्त्री दीपक खड्काको राजीनामा समेत माग भएको थियो ।
प्रदर्शनमा बौद्ध धर्मावलम्बी भिक्षुहरु, मनाङ समाज सेवा समितिलगायत सहभागी थिए । उज्यालो नेपालका नायक कुलमान घिसिङ, उनीहरुले पुरा नेपाल झलमल छ, जनताको मनमा कुलमान छ, कुलमान हाम्रो शान हो देश र जनताको मान हो लेखिएका प्लेकार्ड बोकेका थिए ।
सर्वोच्च अदालतले समेत नेपाल विद्युत् प्राधिकरणको कार्यकारी निर्देशकबाट हटाइएका कुलमान घिसिङका पक्षमा अन्तरिम आदेश दिन अस्वीकार गरेको अवस्थामा उनको पुनर्वहालीको सम्भावना निकै कम देखिन्छ ।
न्यायाधीशद्वय कुमार चुडाल र नित्यानन्द पाण्डेयको संयुक्त इजलासले तीन दिन लगातारको सुनुवाइपछि अन्तरिम आदेश दिन अस्वीकार गरेको हो।
© 2026 All right reserved to onlinenepal.com
Design & Developed By
