Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार , जेठ १४, २०८३
एजेन्सी । केन्याको राजधानी नैरोबीबाट करिब १२० किलोमिटर पश्चिममा रहेको गिलगिलस्थित एक बोर्डिङ स्कुलमा भएको भीषण आगलागीमा १६ जना विद्यार्थीको मृत्यु भएको छ भने ७४ जना घाइते भएका छन् ।
बिहीबार बिहान विद्यार्थीहरू सुतिरहेको समयमा उतुमिसी गर्ल्स स्कुल को होस्टेलमा आगलागी भएको केन्या रेडक्रस र प्रहरी स्रोतले जनाएको छ ।
घाइते विद्यार्थीहरूलाई तत्काल नजिकका अस्पतालहरूमा उपचारका लागि पठाइएको छ ।
प्रहरी अधिकारीका अनुसार घटनास्थलमा उद्धार कार्य जारी छ भने मृतक र घाइतेको संख्या थप बढ्न सक्ने आशंका गरिएको छ । आगलागीको कारण भने हालसम्म खुल्न सकेको छैन ।
केन्या रेडक्रसले घटनापछि आपतकालीन उद्धार टोली परिचालन गरिएको जानकारी दिएको छ ।
पछिल्ला वर्षहरूमा केन्याका बोर्डिङ स्कुलहरूमा यस्ता आगलागीका घटना दोहोरिने गरेका छन् ।
विशेषगरी होस्टेलमा ठूलो संख्यामा विद्यार्थी बस्ने र सुरक्षा मापदण्डको पालना कमजोर हुने कारणले यस्ता दुर्घटना हुने गरेको विशेषज्ञहरूले बताएका छन् ।
© 2026 All right reserved to onlinenepal.com
Design & Developed By
