Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
शुक्रवार , बैशाख ४, २०८३
विराटनगर । विराटनगर महानगरपालिका–१५ स्थित २ नम्बर ढाटबाट सशस्त्र प्रहरीले स्रोत नखुलेको नेपाली रुपैयाँसहित एक भारतीय नागरिकलाई नियन्त्रणमा लिएको छ ।
सशस्त्र प्रहरी बल नेपाल नम्बर १ बराह बाहिनी मुख्यालय सुनसरीका अनुसार भारतबाट नेपालतर्फ आउँदै गरेका ३० वर्षीय आदेश कुमार चौधरीलाई शंकास्पद अवस्थामा जाँच गर्दा ठूलो परिमाणमा नगद फेला परेको हो ।
सशस्त्र प्रहरी नायब उपरीक्षक तिलक बहादुर खड्का को कमाण्डमा खटिएको मोबाइल गस्ती टोलीले जाँच गर्ने क्रममा चौधरीको साथबाट ५ लाख १ सय १५ रुपैयाँ बरामद गरेको जनाएको छ।
उनले रकम कपडाको गोजी र जुत्ताभित्र लुकाएर ल्याउँदै गरेको अवस्थामा भेटिएको थियो। प्रहरीका अनुसार चौधरी बिहार राज्य अन्तर्गत अररिया जिल्ला, जोबनीका बासिन्दा हुन्।
उनको साथबाट भारतीय मोटरसाइकल, एक थान मोबाइल, एउटा घडी र सुनजस्तो देखिने दुई वटा औँठीसमेत बरामद गरिएको छ।
बरामद रकमको स्रोत खुल्न नसकेको र सवारी साधनको दर्ता प्रमाणपत्रसमेत नभेटिएपछि उनलाई नियन्त्रणमा लिई थप अनुसन्धान तथा कारबाहीका लागि इलाका प्रहरी कार्यालय रानीमा बुझाइएको प्रहरीले जनाएको छ।
© 2026 All right reserved to onlinenepal.com
Design & Developed By
