Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार , बैशाख ३, २०८३
काठमाडौं । प्रतिनिधि सभा अन्तर्गतको सार्वजनिक लेखा समितिको सभापतिमा प्रमुख प्रतिपक्षी नेपाली काँग्रेसले उम्मेदवारी दिने भएको छ ।
संसदीय परम्परा अनुसार उक्त समितिको नेतृत्वमा प्रतिपक्षी दलको दाबी रहने भएकाले काँग्रेसले उम्मेदवारी दिने निर्णय गरेको हो ।
पार्टीका सांसद भीष्मराज आङ्देम्बेले लेखा समितिमा प्रमुख प्रतिपक्षी दलको स्वतः दाबी हुने भएकाले उम्मेदवारी दिन लागेको बताए।
सभापतिका लागि उम्मेदवारको नाम भने हालसम्म अन्तिम नभएको आङ्देम्बेले जानकारी दिएका छन् ।
यसैगरी अन्य संसदीय समितिहरूको नेतृत्व सम्बन्धी विषयमा विपक्षी दलहरूबीच छलफल प्रक्रिया अघि बढिरहेको छ ।
विभिन्न संसदीय समितिका सभापतिहरू चयन गर्न आज उम्मेदवारी दर्ता कार्यक्रम सञ्चालन हुँदै छ ।
संघीय संसद सचिवालयका अनुसार आज दिउँसो १ बजेदेखि दिउँसो ४ बजेसम्म मनोनयन दर्ताको समय रहेको छ ।
समिति सभापतिहरूको मनोनयन दर्ता सिंहदरबारस्थित प्रतिनिधिसभा सचिवको कार्यकक्षमा हुने सूचनामा उल्लेख छ ।
सङ्घीय संसद् सचिवालयका सचिव हर्कराज राईले जारी गरेको सूचनाअनुसार आजै दिउँसो साढे ४ बजे नै उम्मेदवारहरूको सूची प्रकाशन हुनेछ ।
संघीय संसद् अन्तर्गत १६ वटा संसदीय समिति रहेका छन् । प्रतिनिधिसभा अन्तर्गत १० वटा र राष्ट्रिय सभा अन्तर्गत ४ वटा समिति रहेका छन् । दुई वटा संयुक्त समिति रहेका छन् ।
राष्ट्रिय सभा अन्तर्गतका विषयगत समितिका सभापतिहरूको निर्वाचन यसअघि नै भइसकेको छ ।
प्रतिनिधिसभा अन्तर्गतका १० वटा र संयुक्त दुई वटा समिति सभापतिको निर्वाचन हुन बाँकी छ ।
© 2026 All right reserved to onlinenepal.com
Design & Developed By
