काठमाडौं । प्रधानमन्त्री बालेन्द्र शाह (बालेन)ले बोलाएको आकस्मिक मन्त्रिपरिषद् बैठक बसिरहेको छ ।
बैठक सिंहदरबारस्थित प्रधानमन्त्री तथा मन्त्रिपरिषद्को कार्यालयमा केहिबेर अघिदेखि सुरु भएको हो ।
प्रतिनिधिसभाका लागि सभामुख चयन भएसँगै प्रधानमन्त्रीलगायत सांसदहरू त्यहाँ पुगेका हुन्।
केहीबेरअघि संघीय संसद भवनमा प्रतिनिधि सभा बैठक बसेको थियो । उक्त बैठकले रास्वपा उपसभापति डीपी अर्याललाई औपचारिक रुपमा निर्विरोध सभामुख निर्वाचित भएको घोषणा गरिएको थियो ।
बैठकमा देशभर देखिएको तेल अभाव, कालोबजारी नियन्त्रण तथा बढ्दो महँगीको अवस्थाबारे गम्भीर छलफल हुने स्रोतले जनाएको छ ।
साथै, आपूर्ति व्यवस्थापन, बजार अनुगमन र मूल्य नियन्त्रणसम्बन्धी विषयमा आवश्यक निर्णय हुने छ ।