Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
आइतवार , चैत्र १, २०८२
काठमाडौं । नेकपा एमालेका महासचिव योगेश भट्टराईले पार्टीभित्र केही नेताहरूबाट अनर्गल आरोप, मिथ्या सूचना र घृणायुक्त अभिव्यक्ति फैलाउने गतिविधि बढेको बताएका छन् ।
उनले सामाजिक सञ्जालमार्फत प्रतिक्रिया दिँदै पार्टी अध्यक्ष केपी शर्मा ओली पितृशोकमा रहेका कारण पार्टी सचिवालय बैठकको अध्यक्षता नगरेको र बैठक उपाध्यक्ष रामबहादुर थापाको अध्यक्षतामा सम्पन्न भएको जानकारी गराए ।
भट्टराईले यो समय सबैका लागि शोकको घडी भएकाले एक–अर्काप्रति नकारात्मक टिप्पणी र घृणाजन्य अभिव्यक्ति गर्नु अशोभनीय हुने भनाइ राखे ।
उनका अनुसार पछिल्ला दिनमा पार्टीका माथिल्लो तहका केही नेताबाट आफू लगायत अन्य नेतामाथि अनर्गल लान्छना लगाउने, घृणायुक्त अभिव्यक्ति दिने तथा मिथ्या सूचना फैलाउने काम भइरहेको छ। उनले ‘शरू शर्मा’ नामको नक्कली फेसबुक आईडी यस्ता गतिविधिमा सक्रिय रहेको दाबी पनि गरेका छन्।
भट्टराईले पार्टीको एकता जोगाउने, पार्टीलाई बहुआयामिक रूपमा रूपान्तरण गर्ने र गुमेको जनविश्वास पुनः आर्जन गर्ने काम नेकपा एमालेका लागि प्राथमिक कार्यभार भएको बताए। त्यसका लागि उपयुक्त समयमा उपयुक्त विधि र स्थापित प्रक्रियामार्फत तथ्य र तर्कसहित छलफल तथा बहस आवश्यक रहेको उनको भनाइ छ।
उनले भ्रामक सूचना, गलत नियतका साथ फैलाइने सूचना र घृणाजन्य अभिव्यक्ति बन्द गर्न आग्रह गर्दै आत्मभर्त्सना नभइ गम्भीर आत्मसमीक्षा गर्नुपर्नेमा जोड दिएका छन्।
© 2026 All right reserved to onlinenepal.com
Design & Developed By
