काठमाडौं । नेपाली कम्युनिस्ट पार्टीका संयोजक पुष्पकमल दाहाल ‘प्रचण्ड’ले जनताबाट फ्याँकिएका मान्छेहरूले चुनावबारे भ्रम छरेको भन्दै आपत्ति जनाएका छन् ।
शनिबार पार्टीको दोलखा–काठमाडौं सम्पर्क निर्वाचन परिचालन कमिटीले आयोजना गरेको चुनावी सभामा बोल्दै उनले यस्तो आपत्ति जनाएका हुन् ।
उनले भने- ‘हिजो जनताबाट फ्याँकिएका केही मानिसले चुनाव हुँदैन भन्छन् । म पार्टीको तर्फबाट यस्ता कुराको पछि नलाग्न र दृढतापूर्वक चुनावमा लाग्न अपिल गर्छु ।’
केही दिनअघि पूर्वराजा ज्ञानेन्द्र शाहले देशका समस्या समाधान नगरी गरिएको चुनावबाट निकास नआउने अभिव्यक्ति दिएका थिए । सोही भनाइप्रति असन्तुष्टि जनाउँदै दाहालले यस्तो प्रतिक्रिया दिएका हुन् ।
साथै आफूहरूले सुरुदेखि नै देशको निकासको लागि चुनावको विकल्प नभएको कुरा गर्दै आएको बताए।