कांग्रेसले भन्यो– निर्वाचनपूर्व कुनै गठबन्धन हुँदैन

अनलाइन नेपाल

बिहिवार , माघ २२, २०८२

कांग्रेसले भन्यो– निर्वाचनपूर्व कुनै गठबन्धन हुँदैन

काठमाडौं । नेपाली कांग्रेसले निर्वाचनपूर्व कुनैपनि दलसँग गठबन्धन नगर्ने स्पष्ट गरेको छ ।

नेपाली कांग्रेस केन्द्रीय प्रचारप्रसार समितिले आयोजना गरेको पत्रकार सम्मेलनमा पार्टीका प्रवक्ता देवराज चालिसेले नेपाली कांग्रेस एक्लै चुनावी मैदानमा उत्रिने जानकारी गराएका हुन् ।

सबै १६५ निर्वाचन क्षेत्रमा आफ्ना उम्मेदवार कायम रहेको उनले बताए ।

उनले स्वतन्त्र, निष्पक्ष, भयरहित र सुरक्षित वातावरणमा मतदान तथा प्रचार–प्रसार गर्न पाउनु नागरिक र राजनीतिक दलको अधिकार भएको उल्लेख गर्दै त्यसको व्यवस्था गर्न सरकारलाई आग्रह गरे ।

उनले भने- 'हामी सम्पूर्ण रुपमा हामी चुनावी प्रणालीमा गईरहेका छोँ । हामी चुनावमा नै विश्वास गर्छौँ । पार्टीले सम्पूर्ण शक्ति चुनावमा लगाएको छ । यही बीचमा कतिपय भेटघाट, अदालती कुरालाई लिएर अयन्त्र ध्यान मोड्ने कुरामा हाम्रो कुनै टिप्पणी छैन । चुनावपूर्व हाम्रो कसैसँग कुनै किसिमको गठबन्धन हुँदैन । नेपाली कांग्रेस १६५ क्षेत्रमा आफ्नो उम्मेद्वार कायम छ । हामी प्रचारमा लागेका छौँ । विजयको उन्मुख पुगिरहेका छौँ ।'

उनले निर्वाचनमा मतदान गर्दा विगतको ईतिहास र भविष्य निर्माण गर्न सक्ने पार्टी र उम्मेद्वारलाई गर्न पनि आग्रह गरे ।

साथै उनले संसद पुनःस्थापना लगायतका विषयमा चलेका हल्लाहरुको विषयमा कांग्रेसको कुनै टिप्पणी भएको उनको भनाई थियो।

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

कांग्रेसले भन्यो– निर्वाचनपूर्व कुनै गठबन्धन हुँदैन