Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
शुक्रवार, जेठ २२ गते २०८३
Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
सोमवार , माघ ५, २०८२
दोलखा । नेपाली कांग्रेसले दोलखाबाट प्रतिनिधिसभा सदस्य निर्वाचनका लागि युवा नेता अजयबाबु शिवाकोटीलाई उम्मेदवार बनाएको छ ।
नेपाली कांग्रेसका केन्द्रीय सदस्यसमेत रहेका शिवाकोटीको उम्मेदवारी टुंग्याउँदै पार्टीले आगामी निर्वाचनमा जित सुनिश्चित गर्ने लक्ष्यसहित उनलाई मैदानमा उतारेको हो ।
लामो समय पत्रकारितामा सक्रिय रहेका शिवाकोटी नेपाल प्रेस युनियनको महासचिव हुँदै पार्टी राजनीतिमा प्रवेश गरेका नेता हुन् ।
पत्रकारितामा रहँदा उनले तत्कालीन सभामुख कृष्णबहादुर महराको यौन दुराचार काण्ड सार्वजनिक गर्न महत्वपूर्ण भूमिका खेलेका थिए ।
त्यस्तै, तत्कालीन सरकारका प्रवक्ता एवं सञ्चार तथा सूचना प्रविधि मन्त्री गोकुल बास्कोटासम्बन्धी भ्रष्टाचार प्रकरण उजागर गरेपछि मन्त्री पदबाट बाहिरिन बाध्य भएका थिए।
यी घटनापछि शिवाकोटी राष्ट्रिय स्तरमै चर्चित र प्रभावशाली पत्रकारका रूपमा स्थापित भएका थिए। पत्रकारिताबाट राजनीतिमा प्रवेश गरेपछि उनी नेपाली कांग्रेसको केन्द्रीय सदस्यसमेत बनेका छन्।
संगठनात्मक क्षमता, स्पष्ट धारणा र सार्वजनिक बहसमा प्रभावशाली प्रस्तुतिका कारण उनी पार्टीभित्र उदयमान नेताका रूपमा चिनिँदै आएका छन् ।
यता, प्रतिनिधिसभाको टिकट पाउने आशामा राजीनामा दिएका कुन्दन काफ्ले भने जिल्लिएका छन् । आज मात्रै बागमती प्रदेश सभाबाट राजीनामा दिएका काफ्लेले टिकट नपाएका हुन् । उनी दोलखा निर्वाचन क्षेत्र नम्बर–१ (क) बाट निर्वाचित भएका थिए ।
© 2026 All right reserved to onlinenepal.com
Design & Developed By
